Urriaren 26an, Zientzia Fisiologikoen Espainiako Elkartearen (SECF)ren 2018-2020 zientzia-dibulgazioko ekimen onenari IV. Sariaren banaketa ospatu zen, Madrilgo Unibertsitate Konplutentseko Medikuntza Fakultatean, Elkartearen Ohiko Batzar Nagusiaren esparruan.
Zientzia Fisiologikoen Espainiako Elkarteak, sari honen bidez, jarduera original eta berritzaile baten sustapena erraztu nahi du, fisiologia gizarteari hurbiltzen eta egileei aintzatespena ematen modu esanguratsuan lagundu duena.
Aurtengo edizioan, saria Biodonostia OIIan 2014tik eta ondoren Malagako Unibertsitatean ere, Belén Gago Calderónen eskutik garatzen ari den “Giza Gorputza Esploratuz” dibulgazio-jarduerari eman zaio. Belén Gago Calderónek, bere garaian Biodonostian jardueraren hasierako sustatzailea izan zen (bertan ikertzaile junior gisa lan egin zuenean), eta gaur egun Gaixotasun Neuropsikiatrikoen eta Neurokiatrikoen Ikerketa Taldean lan egin du IBIMAn.
“Giza Gorputza Esploratuz” jardueraren hautagaitzaren aurkezpena batera egin da (Donostia-Malaga) eta Belen Gago arduratu da ziurtagiria eta sariaren 1000 euroko txekea eman izana eskertzeaz.
Saria ematean, zientzia dibulgazioaren arloan eskarmentua eta ospea duten bost pertsonak osatutako epaimahaiak hainbat alderdi baloratu ditu, hala nola ideiaren originaltasuna, bai transmisio-bidea, bai hura egiteko modua, zein publikotara zuzendua dagoen, edukien argitasuna eta zorroztasuna, eta baita ekimenaren jarraitutasuna eta eragina ere.
Urtero, Biodonostia OIIak bere ateak irekitzen ditu “Giza Gorputza Esploratuz” prestakuntza eta dibulgazio zientifikoko jarduera hau garatzeko Gipuzkoako hainbat ikastetxetako 30 ikasle inguruko taldeekin. Institutuko ikertzaileek lagunduta, ikasleek beraiek ezagutzen dituzte, besteak beste, giza gorputzaren alderdi biologikoak. Ekimen hau Europako Batzordearen Horizon 2020 Programaren Ikerketa eta Berrikuntza Erantzukizuneko Politikaren (RRI) inguruan Biodonostiak egiten dituen jardueren artean kokatzen da.
