Arlo honen helburu nagusia da Donostia Unibertsitate Ospitaleko profesional guztiak ikerketan nahastea eta gaur egun garatzen diren ildoak ondo zehaztea eta indartzea.
Askotariko ikerketak garatzen dira ikerketa-taldeetan eta bost ataletan bereiz daitezke:
Etiologia Hipertentsibo eta balbularreko Gutxiegitasun Kardiakoaren ikerketa-ildoari dagokionez, etiologia hipertentsiboko GKn biomarkagailu berrien iragartzeko balioa aztertzen da. Bestalde, zahartzaroarekin lotutako fibrosiari buruzko ikerketa-ildo berriak jarri dira martxan, batez ere “ageing” deritzon prozesuarekin lotutako endekapenezko balbulopatia aortikoa duten pazienteei begira.
Obstetrizia eta Ginekologiaren ikerketa-ildoari dagokionez, jaio aurreko diagnostikoa eta haurdunaldian zein erditzean fetuak, amak eta jaioberriak eduki ditzaketen konplikazioak diagnostikatzeko teknika berrien garapena barne hartzen du ikerketak.
Otorrinolaringologiak eta Buruko eta lepoko kirurgiako ikerketa-ildoak, belarriko, faringeko, laringeko, sudur-hobietako, sinuetako eta beste egitura zerbikofazial batzuetako patologia infekziosoaren, onkologikoaren, traumatikoaren, kongenitoaren eta degeneratiboaren diagnostiko eta tratamendu mediko-kirurgikorako beharrezko diren jakintza teoriko eta praktikoak barne hartzen dituenak.
Pedriatriako ikerketa-ildoa, espezialitate asko biltzen dituena, baina arlo komun batzuk dituena. Haurren gaixotasun arraroak edo minoritarioak, haurren garapena eta horri lotutako nahasmenduak eta nagusiki pediatrikoak diren gaixotasunak (asma edo gaixotasun infekzioso pediatrikoak) ikertzen ditu besteak beste Ikerketa-ildo honek.
Arnas eta Pleura Patologiako Ikerketa Taldearen helburu nagusia da arnas gaixotasunen arloan Talde berri gisa hastea eta, epe luzera, Osakidetzan sartuta dauden Zerbitzuek pazienteei eskaintzen dieten irismena zabaltzea. Biriketako eta pleurako laginen biobanku bat eta horri lotutako datu-base bat lantzea da Taldearen helburu estrategikoetako bat, baita bi patologiei lotutako alderdiak jorratzea ere, besteak beste dispositiboak diseinatzea edo pazienteen baheketa-sistemak baliozkotzea.
