Biodonostia OIIko Lehen Mailako Arreta Taldeko kideak
Lehen aldiz horrelako kongresu batean, gai-ildo oso bat Lehen Mailako Arretako ikerkuntzan zentratu da, eta horrek osasun-sistemetan aurrerapenak lortzeko tresna gisa duen garrantzia azpimarratu da.
Maiatzaren 11tik 13ra bitartean, SemFYC Kongresuaren 43. edizioa egin da Donostian, Lehen Mailako Arretako profesional guztientzako topagunea. Biodonostia OIIko Lehen Mailako Arretaren Taldeko ikertzaileek parte hartu dute kongresu horren antolaketan.
Semfyc Kongresua urtero egiten den topaketa da, eta ezagutzan hazteaz gain, Familiako eta Komunitateko Medikuntzako eta Lehen Mailako Arretako milaka profesionali espazio bat ematen die euren denbora eta ahalegin pertsonala eskaintzeko, hobekuntzan, konponbide- bilaketan eta pazienteei kalitatea eskaintzea helburu duten proposamen eraikitzaileak sortzeko saiakuntzan. “SemFYCren kongresuen atal garrantzitsu bat eztabaidarako foroak eta hausnarketarako foroak sortzea da. Hori guztia zentzu kritikoarekin egingo dugu, eta Lehen Arretan aurre egin behar diegun erronkak berrikusiko ditugu” adierazi du Itziar Vergarak Biodonostiako zuzendari zientifikoak eta Batzorde Zientifikoko presidenteak.
Argazkia SemFYC: Talde Antolatzaileko ordezkaritza Kongresuaren aurkezpenean.
ARRAUN, taldean arraun eginez lelopean, edizio honetan, Lehen Mailako Arretari buruzko hausnarketara gonbidatu da, talde-lan gisa. Horretarako, kongresua gaikako hiru ardatz nagusiren inguruan eratu da. Ardatz horiek duten garrantziagatik eta sisteman aldaketarako palankak sortzeko duten gaitasunagatik aukeratu dira, ala nola, Ikerketa Lehen Mailako Arretan, balioa ematen duten jardueren berrikuspena eta eremu horren kudeaketak aurre egin.
Lehen lerroari dagokionez, Navegando en la incertidumbre: investigación en Atención Primaria lelopean, hausnarketak izan dira Lehen Mailako Arretan egindako ikerketa osasun-sistemetan aurrerapenak lortzeko tresna gisa duen garrantziari buruzkoak. Une honetan, ikerketa funtsezko bi ekarpenen iturri izan daiteke: arreta-ereduei buruzko ebidentzia eman dezake, aldaketa-erabakiak modu informatuan har daitezen, eta, bestalde, lehen mailako arretako profesionalei ikerketa-jarduera erraztea haien gogobetetasuna hobetzeko eta profesional onak lan-eremu horretara erakartzeko eta atxikitzeko gaitasuna handitzeko estrategia izan daiteke.
Haren garapenean hainbat formatutako jarduerak planteatu dira, hala nola elkarrizketa-mahaiak, profesionalen ponentziak, bai eta proiektuak eta ikerketa-emaitzak partekatzeko espazioak ere; horietan, Biodonostiako Lehen Mailako Arreta Taldeko ikertzaileek esku hartu dute.
Itziar Vergarak, Pilar Gayosorekin, Josep Basorarekin, Ignacio Párragarekin eta Luis García Ortizekin batera, ISCIIIk eta osasun-ikerketako institutuek lehen mailako arretan egiten den ikerketari ematen dioten laguntzan betetzen duten zeregin kritikoari buruz eztabaidatu dute “Instrumentos que ayudan en la navegación: el ISCIII los institutos de investigación sanitaria y otras iniciativas autonómicas” elkarrizketa-mahaian.
Kalliopi Vrotsouk eta Marian Gutiérrez Stampak, Aina Perelló eta María José Fernándezekin batera, “Explorando nuevos mundos: la experiencia con colaboradores que no son de AP” mahai-ingurua osatu dute, Iñaki Martín Lesendek moderatua. Bertan, hainbat arlotako profesionalen eta ikertzaileen eta Lehen Arretaren arteko lankidetza-esperientziak aurkeztu dira. Besteak beste, inplikatutako profesionalen eta ikertzaileen arteko komunikazioaren eta koordinazioaren garrantzia aztertu da, baita diziplina bakoitzaren erritmo eta beharretara egokitzeko beharra ere.
Uxune Apalategik bere aldetik, Buscando compañeras y compañeros de viaje. Redes de investigación: RICAPPS” mahaian hitz egin du. Bertan, duela gutxi ezarritako lankidetza-sare hori aurkeztu da, lehen mailako arretaren eremuan eragin handia izan duten ikerketa-proiektuak sortzeko eta abiarazteko funtsezkoa izan dena.
Beste bi lan-ildoei dagokienez, Lehen Mailako Arretako kontsultetan egindako lan klinikoaren balioa nabarmentzea izan da helburua, baita Lehen Mailako Arretaren egungo uneaz eta eremu horretan antolaketa eta kudeaketa-eredu berriak diseinatzeko beharrezko ekintzez hausnartzea ere. Institutuko Lehen Mailako Arreta Taldeko Rafael Rotaechek ¿Remamos en equipo? mahaiko moderatzaile gisa jardun du, Antolakuntza eta Kudeaketa Eredu Berrien ildoaren barruan.
Era berean, Biodonostia Posterren Ponentzien atalean egon da honako lan hauekin: Abordaje de la fragilidad en atención primaria: evaluación de la efectividad de una intervención multifocal mediante un ensayo clínico aleatorizado (Leonor Rico), ADINBERA: Estudio sobre la vulnerabilidad en personas mayores (Miriam Hernández), Análisis de la nutrición y la dieta de personas mayores a nivel comunitario (Maider Mateo-Abad), Hospitalización a Domicilio: desarrollando una herramienta para predecir la carga de trabajo asistencial (Kalliopi Vrotsou), Retos y oportunidades en investigación en atención primaria (Uxue Lazcano) eta Residencias gerontológicas afectadas por COVID 19: mortalidad y diferencias en los perfiles de riesgo (Uxue Lazcano). (Poster guztiak hemen eskuragarri).
Topaketa honetan esperientzia duten profesionalek parte hartu dute. Profesional horiek beren iritzia txertatu dute eztabaidan eta hausnarketan, baita profil gazteagoek ere, etorkizunari buruzko beren ikuspegia emanez eta aldaketa-elementuak identifikatzen lagunduz.
Biodonostia OIIko ikertzaileek parte hartu zuteneko hainbat une argazkietan.
