Bularreko Minbizia

Taldeko ko-liderra: Isabel Álvarez López Dk.

Donostialdea ESI Email isabelmanuela.alvarezlopez@osakidetza.eus

Taldeko ko-liderra: María Muñoz Caffarel Dk.

Biodonostia OII Email maria.caffarel@bio-gipuzkoa.eus
Isabel Manuela Álvarez López doktorea Medikuntzan eta Kirurgian lizentziatua da Nafarroako Unibertsitatean (1985) eta Onkologia Medikoan aditua 1989tik. Mediku ondokoa da 1990etik Donostia Unibertsitate Ospitaleko (Donostialdea ESI) Onkologia Medikoa Unitatean (gaur egun Osakidetzaren Gipuzkoako Minbiziaren Kudeaketa Klinikoko Unitatean dago, Onkologikoarekin batera). Bere jarduera nagusiki Bularreko Minbiziaren Arloan garatzen du. Bularreko Minbiziaren Ikerketarako Talde Kooperatiboaren (GEICAM) sortzaileetako bat da, eta bertako Zuzendaritza Batzordeko kidea. Biodonostia OIIko Bularreko Minbiziaren ikerketa-taldeko liderra da 2012tik, eta ardura hori María Muñoz Caffarel doktorearekin partekatzen du 2020tik. Bularreko minbiziari buruzko 30 saiakuntza kliniko multizentrikotan baino gehiagotan parte hartu du, bai farmazia-industriarekin lankidetzan bai ikerketa akademikoetan. Bularreko minbiziarekin erlazionatutako 30 argitalpen baino gehiago ditu. Ikerketa-taldean, saiakuntza klinikoak egiteaz gainera, tumoreen heterogeneotasuna, hormosentsibilitatea eta bularreko minbizian inflamazioa ikertzen ere ari dira (deialdi publikoetan finantzatutako ikerketak). María Muñoz Caffarel doktorea Ikerbasque Research Associate eta Miguel Servet ikertzailea da Biodonostia OIIn, eta Onkologiaren Arloko Bularreko Minbiziaren taldeko ko-liderra da. Biokimikan lizentziatua da (Sari Nazionala) UCMn (Madril), eta bertan doktoratu zen 2008an. Bost urtetik gorako nazioarteko esperientzia du Cambridgeko Unibertsitatean (UK), eta egonaldiak egin ditu Curie Institutuan (Frantzia), CNIOn eta IDIBELLen (Espainia). 2015ean Biodonostia OIIn sartu zenetik, 1.200.000 euro baino gehiago lortu ditu ikertzaile nagusi gisa eskualde, estatu eta nazioarte mailako lehiaketa-deialdi publiko eta pribatuetan. 28 artikulu zientifikoren eta liburuko 3 kapituluren egilea da, eta patente bateko asmatzailekidea (US20140314757); eta bere argitalpenek aipamen asko dituzte (H indizea 17 , >1600 aipamen). Bi doktorego-tesi zuzendu ditu eta gaur egun beste 2 zuzentzen ari da. Bi masterretako (UPV/EHU) irakasle gonbidatua da, eta ASEICAko (Minbizia Ikertzeko Espainiako Elkartea) Zuzendaritza Batzordeko kidea, bertan ASEICA-Gaztea lantaldea koordinatzen du. Biodonostia OIIko Berdintasun Batzordearen lehendakaria da eta emakumearen eta zientziaren esparruko beste hainbat jardueratan parte hartzen du (Emakumeak Zientzian, Conocelas – ASEICA). Era berean, zabalkunde-jardueretan ere parte hartzen du, eta, besteak beste, hitzaldiak ematen dizkie minbizia duten pazienteen elkarteei edo publiko orokorrari (Pint of Science, Donostia WEEK-INN).

Helburu estrategikoak

  • Bularreko minbizia duten pazienteei banan-banako tratamendu bat eskaini ahal izateko programak garatzen laguntzea, kontuan hartuta tumorearen zein minbizia duen pertsonaren ezaugarri espezifikoak.
  • Ikerketa klinikoa: Estrategia diagnostiko eta terapeutiko berriak garatzeko entsegu klinikoekin jarraitzea eta horiek sustatzea, droga berriekin egiten diren azterketak, batez ere.
  • Ikerketa translazionaleko programak garatzea, hala nola azterketa independenteak edo saiakuntza klinikoei lotutako azterketa paraleloak. Helburua da estrategia terapeutiko eta biomarkatzaile diagnostiko, pronostiko eta prediktibo berriak garatzea eta ezartzea, azpimota molekular bakoitzera egokitutako tratamenduak optimizatzeko.
  • Bularreko minbizia duten pazienteen epidemiologiaren eta jarraipenaren arloetan azterketak garatzea.

Ikerketa-ildo nagusiak

  • Hanturaren aldeko zitokinek eta horien hartzaileek mikroingurune tumoralaren birmoldaketan eta bularreko minbiziaren progresioan duten zeregina ezaugarritzea.
  • Hantura protumoralaren papera argitzea metastasian, eta seinalizazio hori blokeatzeak izan ditzakeen ondorioak argitzea, immunoterapiari ematen zaion erantzuna hobetzeko.
  • Bularreko minbizi luminalean terapia hormonalekiko erresistentzia (diagnostikatutako kasuen % 70 baino gehiago) duten mekanismo molekularrak ulertzea. Tratamendu antiestrogenikoak dira paziente horien tratamenduaren bizkarrezurra, eta tratamendu horiekiko erresistentzia konpondu gabeko arazoa da, eta horrek eragin terapeutiko handia du.

Taldekideak

Izen-abizenak Zentroa Emaila
Andrea Abaurrea Larrañaga Biogipuzkoa OII andrea.abaurrea@bio-gipuzkoa.eus
Luis Alberto Álvarez Cuesta Onkologikoa Fundazioa laalvarez@onkologikoa.org
Nerea Ancizar Lizarraga Donostialdea ESI nerea.ancizarlizarraga@osakidetza.eus
Haritz Arrieta Etxeberria UPV-EHU harrieta@onkologikoa.org
Peio Azcoaga Azcoaga Biogipuzkoa OII peio.azcoagaazcoaga@bio-gipuzkoa.eus
Marta Fernández Calleja Donostialdea ESI mfernand@chdo.osakidetza.eus
Irati Garmendia Iturbe  Biogipuzkoa OII irati.garmendiaiturbe@bio-gipuzkoa.eus
Elena Guimón Olaizola Donostialdea ESI elena.guimonolaizola@osakidetza.eus
María Hernández Arregui Biogipuzkoa OII maria.hernandezarregi@bio-gipuzkoa.eus
Ainhara Lahuerta Martínez Onkologikoa Fundazioa
Joanna Ines López Velazco Biogipuzkoa OII joannaines.lópez@bio-gipuzkoa.eus
Sara Manzano Figueroa Biogipuzkoa OII sara.manzano@bio-gipuzkoa.eus
Ana Paisán Ruiz Donostialdea ESI ana.paisanruiz@osakidetza.eus
Paloma Petit de Prado Biogipuzkoa OII paloma.petitdeprado@bio-gipuzkoa.eus
Marta Rezola Bajineta Donostialdea ESI
María Florencia Soler Biogipuzkoa OII flor.soler@bio-gipuzkoa.eus
Zuhara Telletxea Garmendia Biogipuzkoa OII zuhara.telletxeagarmendia@bio-gipuzkoa.eus
Jose María Urraca De La Serna Donostialdea ESI josemaria.urracadelaserna@osakidetza.eus
Ander Urruticoechea Ribate Onkologikoa Fundazioa anderu@onkologikoa.org

 

Ekoizpen Zientifikoa