Taldeko liderra: Amaia Cipitria Dk.

Biodonostia OII. Ikerbasque Research Associate. amaia.cipitria@biodonostia.org

“Bioingeniaritza Birsorkuntzan eta Minbizian” diziplina anitzeko taldea inspirazio klinikoko oinarrizko ikerketa traslazionalaz, bioingeniaritzaren eta biomedikuntzaren arteko elkarguneaz, interesatzen da. Gure helburua da ulertzea zelulaz kanpoko berezko matrizearen eta biomaterial sintetiko berrien propietate biofisikoek eta biokimikoek nola gidatzen duten zelulen erantzuna ehunen birsorkuntzan, minbiziaren latentzian eta hezurretako metastasian. Ikertzen ditugu ehunen birsorkuntza hezur-akats handien birsorkuntzaren testuinguruan eta minbiziarekin lotutako ehunen malformazioa, bularreko minbiziaren latentziaren eta hezurretako metastasiaren testuinguruan, bai eta mieloma anizkoitzaren hezurretako gaixotasuna ere. Gure ikuspuntu esperimentalak materialen zientziako eta ingeniaritza-sistemetako metodo aurreratuak erabiltzen ditu, hala nola, aldamiajeak, hidrogelak edo sistema mikrofluidikoak, in vivo ereduetan inspiratzen direnak, denboran zeharreko in vivo irudien bidez eta ex vivo eskala anitzeko analisi korrelatiboen bitartez ikertuak, bai eta minbizi-zelulak dituzten giza biopsiak ere.

Helburu estrategikoak

Inspirazio klinikoko oinarrizko ikerketa traslazionala, bioingeniaritzaren eta biomedikuntzaren arteko elkargunea interesatzen zaigu. Gure taldearen jarduerak bi ikerketa-arlo nagusitan biltzen dira, eta ikuspuntua bioingeniaritzaren, bioteknologiaren eta/edo biomaterialen ikuspegitik sortzen da.

Ikerketa-ildo nagusiak

• Bioingeniaritza eta minbiziaren ikerketa.

Mekanismo biofisikoek minbiziaren latentziaren eta hezurretako metastasiaren kontrolean duten eragina ikertzen dugu, arreta berezia jarrita bularreko minbizian eta mieloma anizkoitzean. Gure ikuspuntu esperimentalak ingeniaritza-sistemak erabiltzen ditu, esate baterako hidrogelak edo sistema mikrofluidikoak, in vivo ereduetan inspiratzen direnak, denboran zeharreko in vivo irudien bidez eta ex vivo eskala anitzeko analisi korrelatiboen bitartez ikertuak. Joko ebolutiboen teorian oinarritutako eredu matematikoak garatzen ari gara barreiatutako minbizi-zelulen eta horien mikroingurunearen arteko elkarreraginari buruzko ezagutza berriak lortzeko, zehazki hezur-organoan. Ikuspegi traslazionaletik, onkologoekin lankidetza estuan dihardugu, eta, horri esker, gure lana mieloma anizkoitza duten pazienteen hezurretako giza biopsietara heda dezakegu gaixotasunaren etapa ezberdinetan, bai eta giza pankreako tumore-ehunera ere.

• Biomaterialak eta medikuntza birsortzailea.

Biomaterialen propietate fisikoek, hala nola zurruntasunak eta geometriak, edo 3Dn inprimatutako andamiajeen edo hidrogelen degradazio-propietateek, zelulen erantzunean eta ehunen in vivo birsorkuntzan duten eragina ikertzen dugu, animalia txiki eta handien ereduak erabiliz. Ehun biologikoen eskala anitzeko karakterizazioa egiten dugu, arreta berezia eskainiz biomateriala-ehuna interfazeari. Ikuspegi traslazionaletik, Europako H2020ko HEALIKICK proiektuan parte hartzen ari gara, eta horren baitan estrategia modular bat garatuko dugu tamaina kritikoko hezur-hausturak osatzeko, helburua izanik ikertzen ari den sendagaiaren espediente bat sortzea, saiakuntza klinikoaren eskaera egitea eta gizakietan lehenengo saiakuntza abian jartzea.