Egokitze-prozesuan dagoen taldea:

Helburu estrategikoak

IIS Biodonostiako zazpi arloetako bat da Bioingeniaritzaren Arloa eta horren barruan dago Berrikuntza Taldea. Erakunde teknologiko desberdinetako ikerlari elkartuen talde batek osatzen du Berrikuntza Taldea. Lehentasunezko ikerketa-ildoen baitan sailkatu ez diren askotariko gaietara zuzentzen du bere ikerketa, jakinda gai horiek lekua dutela jada osatuta dauden arloetan (sendotuta daudenetan edo indartu berrietan).

Diziplinarteko lana garatzen duten zentro askok osatzen duten IIS Biodonostia, eta eredu hori jarraitzen da talde honetan. Horrela, osasunaren ikerketa traslazionala sustatzen dute bertatik, herritarren bizi-kalitatea hobetzeko helburuarekin betiere.

Ikerketaren foku nagusi gisa mikro eta nano bioteknologiak, biomaterialak, irudi molekularra, IKTak eta eOsasuna aipa daitezke, eta berrikuntza lortzea da helburu nagusia beti.

RETICS azpiprogramaren baitan egindako 2009ko AES deialdiarekin batera sortu zen talde hau. Izan ere, deialdi hartan lortutako finantzaketari esker, Institutuko Berrikuntza Unitatea antolatu eta martxan jarri zen. Hastapenetatik, aipatutako unitatearen helburua izan da berrikuntza sortzea teknologia medikoen eta osasun-teknologien esparru ez-farmakologikoan, ekipo, aparatu, erreaktibo, material eta osasuneko IKTei dagokienez.

Talde honek nazio-mailan zein nazioartean elkarlaneko ikerketa traslazionalari eman dion bulkada handiari esker, Institutuaren proiektuen heren bat gauzatzea lortu da, bazkide teknologiko batekin batera.