Haien bizi-ohiturak, zailtasunak, egoera klinikoa, funtzionaltasuna, etab. aztertuko dira, adin aurreratuetan kalteberatasunaren ondorio kaltegarriak aurreikusi eta murriztu ahal izateko.

Biodonostia Osasun Ikerketa Institutua (Biodonostia OII) Tolosan bizi diren 65 urtetik gorako boluntarioen bila ari da, martxoan ADINBERA proiektua abian jartzeko. Proiektu horren helburua da adinekoen kalteberatasuna aztertzea, denboran zehar jarraipena emateko eta erreferentziazko kohorte bihurtzeko zahartzearen eta adinekoen kalteberatasunaren ikerketan. Proiektuak Tolosako Muñoa Fundazioaren finantzaketa eta Tolosaldea ESIren eta herriko Udalaren laguntza du.

ADINBERA proiektua herritarren datuak biltzearekin hasten da, adinekoen kalteberatasuna baldintzatzen duten eredu nagusiak zehaztu ahal izateko, eta, horrela, faktore aldagarriak identifikatu ahal izateko eta faktore horiek aldatu eta adinekoen bizi-kalitatea hobetuko duten esku-hartze egokirako leihoak zehaztu ahal izateko. Horretarako, Biodonostiak jakin beharra dauka zein diren haien bizi-ohiturak, zailtasunak, egoera klinikoa, funtzionaltasuna, etab., adin aurreratuetan kalteberatasunaren ondorio kaltegarriak aurreikusi eta murriztu ahal izateko. Azterlan honen bidez, Tolosako adineko biztanleak ezagutzera bideratutako emaitzak lortu ahal izango dira, eta espero da erreferentzia gisa balioko dutela azterlanaren bideragarritasuna frogatzeko eta probintziako beste herri batzuetara eraman ahal izateko.

Biodonostiako Lehen Mailako Ikerketako Taldeak adierazi duenez: “Azterlan hau egin ahal izateko, boluntarioak behar ditugu, 65 urtetik gorakoak eta Tolosan bizi direnak, balorazio batzuk egiteko. Balorazio horiek datuak biltzeko koaderno erraz batean dautza. Koaderno horretan jasoko dira neurri antropometrikoak, balorazio kognitiboa, balorazio motorra, loaren balorazioa, bizi-ohiturak eta hauskortasuna, baita lagin-hartze boluntario bat ere”.

Hori dela eta, Tolosako adineko biztanleei dei egin eta honako hau adierazten diete: “Ikerketak aurrera egiten du zu bezalako pertsonei esker, hau da, ikerketa-azterlanetan parte hartzeko prest dauden boluntarioei esker. Ikasketetatik lortzen ditugun datuei esker, aurrera egiten jarrai dezakegu guztion etorkizuna hobetzeko. Zure denboraren zati txiki batekin bakarrik asko egiten ari zara”.

 

NOLA INFORMATU ETA EMAN IZENA:

Gure webguneko (www.adinbera.com) formularioaren bidez.

Helbide elektroniko honetara idatziz: adinbera@biodonostia.org.

Telefono/WhatsApp bidez: 643 984 185.

Datuak: Adierazi izen-abizenak eta harremanetarako telefonoa.

Izena eman ondoren, hemen emango dizugu hitzordua: Santa Maria plaza 2, etxabea, 20400 Tolosa, Gipuzkoa.

Zahartzearen arloa lehentasunezko ikerketa-esparrua da Europan. Biodonostiarentzat ere hala da; izan ere, bere azken Plan Estrategikoan zahartzea definitu baitzuen bere zeharkako eta lehentasunezko ikerketa-arlo gisa, medikuntza pertsonalizatuarekin eta berrikuntzarekin batera.

Tolosako Muñoa Fundazioak xede du adinekoen mesederako asistentzia ematea, eta erabaki du ikerketa-proiektu honetan funtsak inbertitzea, bere helburuetara bideratuta eta horiekin bat etorriz. Proiektua Biodonostia OIIk bultzatua da.