Apirilaren 26an egin zen Donostiako Biodonostia OIIren egoitzan Pirinioez Gaindiko Ikerketa Biomedikorako Sarea (Refbio II) proiektuaren partzuergoko bazkideen hirugarren bilera. Gaur egun Pirinioen bi aldeetako 6 eskualdetako 9 erakunde daude bertan (ikerketa-zentroak, ospitaleak, enpresa-klusterrak eta unibertsitate bat).
Refbio sarearen lehenengo fasean helburu gisa ezarri zen ikerketa lehiakorrak sustatzea, osasunaren arloan lankidetza bideratzeko, ikerkuntza-arlo ezberdinetan: neurozientziak, epidemiologia eta osasun publikoa, kardiobaskularra, gaixotasun infekziosoak eta saiakuntza klinikoak, onkologia, hematologia eta terapia zelularra. Refbiok 2.000 profesionaletik gora inplikatzea eta 17 ikerketa-proiektu garatzea lortu zuen.
Bigarren fasean (2016-2018), sarearen asmoa da lankidetza hori sendotzea mugaz gaindiko I+G+b proiektuak bultzatuz, eta, aldi berean, I+G-ko emaitza biomedikoak transferitu eta ustiatzea enpresetara eta klusterretara. Horren harira, asmoa da aberastasun zientifikoa lortzea ikertzaileen mugikortasunaren bitartez, ikerketaren eta prestakuntzaren arloko azpiegituretara sarbidea emanda.
Gaur egun honako 9 erakunde hauek osatzen dute Refbio:
- Navarrabiomed-Fundación Miguel Servet – proiektuaren gidaria eta koordinatzailea
- Centre Hospitalier Universitaire de Toulouse (CHU Toulouse)
- Centro de Investigación Biomédica de La Rioja (CIBIR)
- Cluster Santé Osasuna de Aquitania
- Fundación Vasca de Innovación e Investigación Sanitarias (BIOEF)
- Instituto de Investigación Biosanitaria Biodonostia (BIODONOSTIA)
- Instituto de Investigación Sanitaria de Aragón
- Instituto de Investigación Sanitaria del Hospital Universitario de País Vasco (BIOCRUCES)
- Université Paul Sabatier de Toulouse, (UPS)
Informazio gehiago: http://www.refbio.eu/es/inicio