Unitate kudeatzailea:Dr. Julio Arrizabalaga Aguirreazaldegui

IIS Biodonostia

Bioingeniaritza ingeniaritzaren printzipioak eta teknikak medikuntzaren arloan aplikatzean datza. Funtsean, gai sanitarioak diseinatzeko eta egiteko baliatzen da, hala nola, ekipo medikoak, protesiak, gailu medikoak, diagnostiko-gailuak eta terapia-gailuak egiteko. Horrez gain, ospitale-sistema batera lotutako baliabide teknikoen kudeaketan edo administrazioan aplikatzen da. Ingeniaritzaren esperientzia behar medikoekin konbinatzen ditu, osasunaren zainketaren mesederako.

Bioingeniaritza diziplina anitzeko arlo bat da, edo, beste modu batera esanda, esparru eta informazio-iturri desberdinetatik eragiten duten diziplinen sorta zabal baten emaitza da. Hastapenetan, ekipo medikoak (tresna medikoak) egiteko erabiltzen ziren, funtsean, ingeniaritza elektrikoko eta elektronikoko teknikak, baita protesiak eta ortesiak egiteko ere (biomekanika eta errehabilitazioa). Beranduago, indar handia lortu zuen ingeniaritzak giza gorputzaren irudiak lortzeko tresnen diseinuan eta garapenean (imagenologia medikoa).

Ordenagailuen garapenarekin batera, medikuntzako tresnak diseinatzeko eta garatzeko erabilerak garrantzia galdu zuen eta, horren aurrean, hartutako seinaleen prozesamendua indartu zen. Izan ere, landutako tresnek ematen zituzten seinaleetatik abiatuta, marra puruetatik (seinale biomedikoen prozesamendua) zuzenean ikusi ezin zitekeen informazio osagarria lortzen zen.

Gaur egun, beste diziplina batzuekin lotuta garatzen da, genomikarekin eta proteomikarekin (biologia konputazionala), esate baterako.